உளரல் பக்கங்கள்

ஜெயலலிதா மீது அதிமுகவும், ஸ்டாலின் மீது திமுகவும் - வழக்கு

2011-05-05T17:06:00.051+05:30

ஒரு கட்சியே அதன் தலைவர்கள் மீது வழக்கு தொடர்ந்த கொடுமையை இன்று தட்ஸ்தமிழ் இணைய தளத்தை வாசிக்கும் போது கண்டு மிரண்டு போனேன். இந்த கொடுமையை கண்டிக்க ஆளே இல்லையென தீர்மானித்து நானே களத்தில் குதித்தேன். அது எப்படி ஒரு கட்சி அதன் தலைவர் மீது வழக்கு தொடரும் என நீங்க எல்லோரும் கேக்கலாம் நானும் அதையே தான் தட்ஸ்தமிழ் வாசிக்கும் போது எனக்குள்ளே கேட்டுக்கொண்டேன் அந்த கேள்விய உங்க கிட்டயும் கேக்குறேன் எப்படி ஒரு கட்சி அதன் தலைவர் மீதே வழக்கு தொடுக்கும் ? அப்படி தொடுக்காது எனும் பட்சத்தில் தட்ஸ்தமிழ் கொடுத்த செய்தி தவறா? . அப்படி தப்புன்னா எப்படி இவ்ளோ தைரியமா தப்பான செய்திய வலைத்தளத்தில் குடுகிறார்கள் ? அப்ப படிப்பவர்கள் என்ன கேனையா? தெரிஞ்சே இப்படி ஒரு தப்புன்னா? தெரியாம எத்தன தப்பான செய்திய குடுத்திருப்பாங்க? இது நான் வன்மையாக கண்டிக்கிறேன்

தட்ஸ்தமிழ் இணையத்தில் வந்த அந்த செய்தி

ஒபாமா V/S ஒசாமா

2011-05-04T13:59:00.094+05:30

V/S

ஒபாமா ஒசாமா

(OBAMA) (OSAMA)

( ஒரு எழுத்து வித்தியாசத்தால் உலகின் எதிரெதிர் துருவமாய் மாறிய மனிதர்கள் )

அமெரிக்க தலைவர் அல்கொய்தா தலைவர்

உலக மக்களால் உலக மக்களால்

ஆச்சர்யமாக அதிர்ச்சியோடு

பார்க்கப்பட்ட பார்க்கப்பட்ட

அமெரிக்கர் அரேபியர்

இவர் செய்வது இவர் செய்தது

அதிகாரம்                                                                 அராஜகம்

ஜனநாயகத்தால்                        தீவிர வாதத்தால்
அதிகாரம் பெற்றார்                                           அராஜகம் செய்தவர்

மக்களாட்சி                                                            இவரால் தீவிரவாதம்
இவரை வளர்த்து விட்டது                             வளர்க்கப்பட்டது

அதிகாரத்தால்                                                      அராஜகத்தால்
உயர்ந்தார்                                                               அழிந்தார்
(அழிக்க உத்தரவிட்டது )                                  (உயிரை விட்டது )

கல்வி கொள்ளையை ஆதரிக்கும் அரசு

2011-04-29T11:45:00.001+05:30

கற்றோருக்கு சென்ற இடமெல்லாம் சிறப்பு
அவருக்கு எங்கேயும் உண்டு மதிப்பு

இப்படி அனைவரும் கற்க வேண்டிய கல்வி இன்று வணிக மயமாகி விட்டது காலத்தின் கொடுமை இல்லை நம்மை அரசாலும் அரசியல் வாதிகளால் செய்யப்படும் கொடுமை.

கல்வி மட்டுமே ஒரு நல்ல சமுதாயத்தை உருவாக்கும் என்ன எண்ணி இலவச கல்வியும் , பாமரனின் குழந்தையும் பசி இல்லாமல் படிக்க வேண்டும் என இலவச மதிய உணவு திட்டத்தை உருவாக்கி ஏழையின் குழந்தையும் பள்ளிக்கு வந்து கல்வி கற்க வழி ஏற்படுத்தினர் காமராஜர்.

ஆனால் இன்று கல்வி வியாபாரமாகி கிடக்கிறது. ஆங்கில வழியில் படித்தால் மட்டுமே நல்ல வேலையும், நல்ல மதிப்பையும் பெற முடியும் என்ற நிலைமையை ஏற்படுத்தி விட்டனர் இன்றைய அரசியல் வாதிகள். அரசு பள்ளிகள் அனைத்தும் தமிழ் வழியில் போதிக்கின்றன . matriculation, CBSE மற்றும் அனைத்து தனியார் பள்ளிகளும் ஆங்கில வழியிலேயே படங்களை போதிக்கின்றன . தமிழ், தமிழ் என பேசும் இன்றைய அரசியல் வாதிகளால் எத்தனை M.A தமிழ் B.A தமிழ் படித்தவர்களுக்கு வேலை தர முடிகிறது. எத்தனை கல்லூரிகளில் தமிழ் என்ற பிரிவு இருக்கிறது. தமிழக அரசு தமிழில் போதிக்குமாம் ஆனால் ஆங்கிலம் தெரியவில்லை என்றால் அரசு வேலை இல்லையாம். என்ன அரசாங்கம் இது.

                   தமிழகம் முழுவதும் அரசு பள்ளிகள் நிறைய இருகின்றன அதில் ஆரம்பபள்ளி , தொடக்கப்பள்ளி, நடுநிலைப்பள்ளி , உயர்நிலைப்பள்ளி, மேல்நிலைப்பள்ளி இப்படி விதவிதமான பள்ளிகள் தமிழ்நாட்டில் தமிழக அரசு நடத்திக்கொண்டு இருக்க matriculation அப்படின்னு சொல்ல படுகிற ஆங்கில வழி பள்ளில தான் என் பிள்ளைய சேர்ப்பேன் என பெற்றோர்கள் ஏன் அடம் பிடிகிறார்கள்.. ஒரே காரணம் கல்வியின் தரம் அவ்வுளவுதான். தரம் அப்படிங்குற ஒரே காரணத்துக்காக தான் matriculation பள்ளியிலும் CBSE பள்ளியிலும் தம் பிள்ளையை சேர்க்க இந்த பெற்றோர்கள் தவியாய் தவிக்கிறார்கள்.

                    அரசு பள்ளியில் ஆங்கிலமே பேருக்குத்தான் சொல்லி தரபடுகிறது. ஆனால் Maticulation, CBSE ஆங்கில வழியில் மட்டுமே சொல்லி தரபடுகின்றன. அங்கே படிக்கும் குழந்தைகள் தொடக்கத்திலிருந்தே ஆங்கிலத்தில் நன்றாக பேசவும், படிக்கவும், எழுதவும், கற்றுகொள்கின்றனர் அந்த காரணத்தால் அவர்களால் +2 முடித்தவுடன் அனைத்து entrance என்று சொல்லபடுகின்ற நுழைவுத் தேர்வுக்கு எளிதாக ஆயத்தமாக முடிகிறது. அந்த காரணத்தால் அவர்கள் எளிதில் மேல் படிப்பு படிக்கவும் முடிகிறது எளிதில் வேலை தேடிக்கொள்ளவும் முடிகிறது . இந்த காரணங்களுக்காகத்தான் பெற்றோர் தனியார் பள்ளியில் சேர்த்து விட துடியாய் துடிக்கிறார்கள் இந்த வாய்ப்பை பயன் படுத்தி தனியார் பள்ளிகளும் தங்கள் இஷ்டத்துக்கு கட்டணங்களை முடிவு செய்து கல்வி கொள்ளையில் ஈடுபடுகிர்ரர்கள். இது ஒரு புற மிருக்க சமீப காலமாக அரசு நடத்தி வரும் பள்ளிகளுக்கு மூடு விழா நடத்த படுவதாக செய்திதாள்களில் பார்த்தேன் ஆனால் நாளொரு மேனியும் பொழுதொரு பள்ளியுமாக தனியார் பள்ளிகள் மட்டும் முளைத்துக் கொண்டே இருகின்றன..

                          ஏன் இப்படி என யோசித்தால் அரசு பள்ளிகளின் கல்வி தரம் இல்லை. தரமான கல்வி இருந்தாலும் அதை போதிக்க ஆசிரியர் இல்லை. அப்படியே ஆசிரியர் இருந்தாலும் அந்த பாடத்தை புரிந்து நடத்த அவருக்கு தகுதி இல்லை இப்படிப்பட்ட காரணங்களால் நடுத்தர வர்க்கத்தினர் தனது பிள்ளையின் எதிர் காலம் சிறப்பாக இருக்க தனியார் பள்ளிகளை தேர்ந்தெடுகின்றனர். அரசு பள்ளிகளில் பணி புரியும் ஆசிரியர்களுக்கு பாடம் நடத்தினாலும் நடத்தா விட்டாலும் ஊதியம் தர அரசு இருக்கிறது. இடையில் சம்பாதிக்க டூஷன் இருக்கிறது. நான் படித்த அரசு பள்ளி களிலும் சரி பக்கத்தில் இருந்த பள்ளிகளிலும் சரி ஆங்கிலத்தை ஆவலோடு கற்றுத்தர ஒரு ஆசிரியர் இல்லை. அவரே சொல்லுவர் ஆங்கிலம் கஷ்டம் master நோட்சோ அல்லது ஜெயக்குமார் நோட்சோ வாங்கி படித்து பாசாகி கொள்ளும் படி சொல்லுவர் அப்படி அவர்கள் ஆங்கிலத்தை கற்று தராத காரணத்தால் ஆங்கிலம் என்றால் வேம்பாய் கசந்தது. ஆங்கில இலக்கணம் என்றால் அதை விட கசந்தது. இப்படி சொல்லி தரப்பட்ட மாணவனால் எப்படி நுழைவுத்தேர்வை சந்திக்க முடியும். கடைசியில் +2 முடித்து விட்டு எதோ ஒரு வேலைக்கு தான் போக முடியும் உயர் கல்வி எல்லாம் கற்க முடியாது ஏனெனில் அங்கேயும் ஆங்கிலம் தானே இருக்கும்.சிலர் விதி விலக்காக இவ்வளவு இன்னல் களையும் தாண்டி வென்று விடுவார்கள் அவர்களில் பெயர்களை சொல்லியே இந்த ஆசிரியர்களும் காலத்தை ஓட்டி ஒய்வு பெற்று விடுவார்கள். அடுத்த ஆசிருயரும் இப்படியே தொடர்ந்ததால் தான் இன்று தனியார் கல்வி நிறுவனங்கள் பல்கி பெருகி விட்டன.

                    இதனை முடிவுக்கு கொண்டு வர வேண்டுமெனில் இந்த அரசு தான் முயற்சிக்க வேண்டும் அரசு பள்ளிகளில் கல்வியின் தரத்தை உயர்த்த வேண்டும். அனைத்து பாடங்களும் கற்பிக்க தகுதியான ஆசிரியரை பணியமர்த்த வேண்டும். பணி செய்யும் ஆசிரியரின் தகுதியை இரண்டு அல்லது மூன்று ஆண்டு களுக்கு ஒரு முறை சோதனை செய்ய வேண்டும். பணி தொய்வு இருப்பின் அதை களைய முயற்சி எடுக்க வேண்டும். தகுதியற்ற ஆசிரியர்களை தகுதியை உருவாக்கிக்கொள்ள வாய்பளிக்க வேண்டும். அப்போதும் தகுதியை உருவாக்கி கொள்ள வில்லையெனில் அவரை வேறு துறைக்கு மாற்றி தகுதியானவரை பணியமர்த்த வேண்டும். அப்போது தான் கல்வி தரம் உயரும். நுழைவுதேர்வு நடத்தியே உயர் கல்விக்கு தகுதியை உறுதி செய்ய சொல்லலாம் அப்போது கிராமத்து மாணவனும் நுழைவுத்தேர்வில் எழுதி மேல் படிப்பை தொடருவான் அதை விடுத்து நுழைவுத்தேர்வை ரத்து செய்கிறேன், பத்தாம் கிளாஸ் தேர்வை ரத்து செய்கிறேன் என்று கல்வியின் தரத்தை குறைக்கும் வேலையை செய்யாதிருக்கவேண்டும். அப்போது இந்த கல்விக்கொள்ளை காணமல் போகும் அரசு பள்ளியின் கல்வித்தரத்தை உயர்த்த ஒரு அரசியல்வாதியும் முயற்சி செய்ய மாட்டார்கள் ஏனெனில் அவர்கள் தானே தனியார் கல்வி நிறுவனங்களை நடத்தி கொண்டு இருக்கிறார்கள் அரசு பள்ளியின் கல்வி தரத்தை உயர்த்தாமல் தனியார் பள்ளியின் கல்வி கட்டணத்தை குறைக்க அரசு முயற்சி செய்வதும் நீதிபதி களை கொண்டு கமிட்டி அமைத்து கட்டணத்தை குறைக்க சொல்லுவதும் தும்பை விட்டு வாலை பிடித்த கதையாகத்தான் இருக்கும். எந்த வித மாற்றமும் இருக்காது. இப்போது சொல்லுங்கள் இந்த கல்வி கொள்ளை நடக்க இந்த அரசு தான் காரணம் என நான் சொல்வதில் என்ன தவறு ?.

அரசு பள்ளிகளின் கல்வித்தரத்தை உயர்த்தி தேர்ந்த ஆசிரியர்களை கொண்டு கல்வி போதித்தால் தனியார் பள்ளிகளை தேடும் பெற்றோர் அரசு பள்ளிகளில் தமது குழந்தையை சேர்ப்பார்கள். அப்போது தனியார் பள்ளிகளின் சேர்க்கை விகிதம் குறையும் அப்போது தானாக கல்வி கட்டணத்தை தனியார் பள்ளிகளும் குறைக்க வேண்டிய கட்டாயத்துக்கு ஆளாகும் அதற்கு நீதிபதியும் வேண்டாம் அரசும் வேண்டாம் எல்லாம் தன்னாலே சரியாகும் அரசு பள்ளி கல்வியின் தரம் உயரும் போது செய்யுமா இந்த அரசு ?????

படித்த வாய்ச்சொல் வீரர்களும் படிக்காத செயல் வீரர்களும்

2011-04-14T14:54:00.001+05:30

கடமையை செய்

பலனை எதிர் பாராதே!

இது பழ மொழி...

நேற்று நமது கடமையை செய்ய வேண்டிய நாள்

நேற்று எத்தனை பேர் தனது கடமையான வாக்கு சாவடிக்கு சென்று வாக்களிக்கும் கடமையை செய்து இருப்பார்கள். நேற்று பதிவான வாக்குகள் தான் தமிழக தேர்தல் வரலாற்றில் அதிகமாக பதிவான வாக்குகளாம். பெரும்பாலும் படித்தவர்கள் அரசியலை பற்றியும், ஊழலை பற்றியும் ஜனநாயகத்தை பற்றியும் வாய் கிழிய பேசுவார்கள். ஆனால் செயல் என்று வரும்போது நமக்கென்ன நாம் போடும் ஒரு ஓட்டு தான் இந்த ஆட்சியை மற்ற போகிறதா? அல்லது நம் ஒரு ஓட்டு தான் நாம் நினைக்கிற ஆட்சியை தர போகிறதா? என எண்ணி வாக்களிக்க செல்லாமலே இருந்து விடுவார்கள்.

படித்தவர்கள் வாய் கிழிய பேசினாலும் வாக்கு சாவடிக்கு வந்து வாக்களிக்க மாட்டேன் என்கிறார்கள். என்னுடன் படித்த இன்று சென்னையில் IT கம்பெனிகளில் வேலை பார்த்து கொண்டிருக்கும் பலர் வாக்களிக்க வரவில்லை. ஆனால் தேசம் கொள்ளை போகிறது, எங்கும் ஊழல் எதிலும் ஊழல், எதற்கெடுத்தாலும் லஞ்சம் என குற்றம் சொல்லும் இவர்கள் தேர்தல் நாளை சந்தோசமாக கழிக்க சென்னையிலே தங்கி விட்டிருக்கிறார்கள். இவர்களால் அவரவர் சொந்த ஊருக்கு சென்று வாக்களிக்க முடியாதா என்ன? முடியும் ஆனால் கடமையை செய்ய மறுக்கும் இவர்களுக்கு கிடைத்த காரணம் என் வாக்கு மட்டும் எதுவும் மாற்றாது.

ஆனால் எங்கள் ஊரில் இருந்து பெங்களுருக்கு கூலி வேலை செய்ய சென்ற 40 கூலி தொழிலாளர்கள் தனது ஜனநாயக கடைமையாற்ற மூன்று நாள் வேலையை விட்டு சம்பாதித்த பணத்தை செலவு செய்து வாக்களிக்க வந்து சென்ற அவர்களுக்கு இருக்கும் வாக்களிக்க வேண்டும் வாக்களிப்பது நமது கடமை என்ற எண்ணம் கூட இல்லையே படித்த அறிவு ஜீவிகளுக்கு. படிக்காமல் போனாலும் ஜனநாயக கடமையாற்ற வந்த அவர்களின் மேல் மதிப்பும் மரியாதையும் தானாகவே வருகிறது.

படித்தவர்கள் வாய்ச்சொல் வீரர்களாக இல்லாமல் செயல் வீரர்களாக களம் இறங்க வேண்டுமென்பதே என்னுடைய ஆவல்...

இன்றைய இலவசம், நாளைய கடன்

2011-03-25T16:51:00.001+05:30

வீடு தோறும் பெண்களுக்கு இலவசமாக கிரைண்டர் அல்லது மிக்ஸி வழங்கப்படும்’’  என்பதில் ஆரம்பித்து, ‘‘ஏழைகளுக்கு ரேஷன் மூலமாக மாதம்தோறும்  முப்பத்தைந்து கிலோ அரிசி இலவசமாக வழங்கப்படும்...’’ என்பது வரையில்  இலவசங்களை சகட்டுமேனிக்கு தன்னுடைய தேர்தல் அறிக்கையில் வாரித்  தெளித்திருக்கிறது தி.மு.க. தலைமை.

வாக்காளர்கள் மத்தியில் வரவேற்பையும், விவாதத்தையும் ஏற்படுத்தியிருக்கும்  இந்த தேர்தல் அறிக்கை பற்றி, பொருளாதார வல்லுநர்கள் என்ன நினைக்கிறார்கள்?

சென்னையின் பிரபல ஆடிட்டரும் பொருளாதார வல்லுநருமான எம்.ஆர். வெங்கடேஷை  சந்தித்து, தி.மு.க. தேர்தல் அறிக்கையைப் பற்றிய கருத்து 
  
‘‘முதலில் குஜராத் விஷயத்தைச் சொல்லிவிட்டு தமிழகத்துக்கு வருகிறேன்...  2007&ம் ஆண்டு குஜராத்தில் சட்டமன்றத் தேர்தலின்போது பி.ஜே.பி.யின்  நரேந்திர மோடியை வீழ்த்துவதற்காக, வீடுதோறும் இலவச வண்ணத்  தொலைக்காட்சிப் பெட்டி வழங்கப் போவ-தாக அறிவித்தது காங்கிரஸ். 

இதுபற்றி நரேந்திர மோடியிடம்  செய்தியாளர்கள் கேட்டபோது, ‘நான் இலவசம்  எல்லாம் தரமாட்டேன். அரசுக்கு செலுத்த வேண்டிய வரியை கட்டாதவர்களுக்கு  உடனடியாக நோட்டீஸ் அனுப்பப் போகிறேன்... வரி செலுத்தாதவர்கள் மீது  சட்டரீதியான நடவடிக்கைக்கு உட்படுத்துவேன்... இலவசத்தைக் கொடுத்து மக்களை  கெடுத்து ஆட்சிப் பொறுப்புக்கு வர மாட்டேன்...’ என்று சொன்னார்.

எல்லோரும்  ஆச்சரியப்பட்டார்கள். ஒரு சிலர், ‘ஆணவத்தின் உச்சத்தில் இருந்து நரேந்திர  மோடி பேசுகிறார்...’ என்று கூட விமர்சனம் செய்தார்கள். ஆனால், அது  குறித்தெல்லாம் அவர் கொஞ்சமும் கண்டுகொள்ளவில்லை. தான் ஆட்சிப்  பொறுப்பில் இருந்து செய்த சாதனைகளை மட்டும் சொல்லி, ஓட்டுக் கேட்டார்.  பெரும் வெற்றி அடைந்தார்.

அப்படிப்பட்ட குஜராத் எங்கே? ‘வண்ணத் தொலைக்காட்சிப் பெட்டியை  வாங்கியாச்சு... அடுத்து என்ன இலவசம்’ என்று காத்திருக்கும் தமிழகம்  எங்கே?’’ என்று வருத்தப்பட்ட வெங்கடேஷ் தொடர்ந்தார். ‘‘ஏற்கனவே ஒரு லட்சம் கோடி ரூபாய்க்கும் அதிகமான கடன் சுமையில்  தத்தளித்துக் கொண்டிருக்கும் தமிழக அரசு நிர்வாகம்,  கடனுக்-கான வட்டியாக  மட்டும் வருடத்துக்கு பத்தாயிரம் கோடி ரூபாய்க்கும் மேல் செலுத்திக்  கொண்டிருக்கிறது. அப்படியென்றால், தமிழகம் பொருளாதார ரீதியில் எவ்வளவு  கீழான நிலைமைக்குச் சென்று கொண்டிருக்-கிறது என்பதைப் பாருங்கள்.

நாட்டின் கடன் என்றாலும், அது ஒவ்வொரு தனிமனிதனுக்குமான கடன்தான் என்பதை  நாம் யாரும் இன்னும் உணரவில்லை. அப்படி உணர்ந்தால் இலவசங்களைத் தேடி  ஓடமாட்டோம்.

அடுத்த தலைமுறைக்கு கடனை சுமத்தாமல் இருப்பதுதான் நல்ல பெற்றோரின் கடமை.  ஆட்சியாளர்களுக்கும் இது பொருந்தும்தானே..? ஆனால், இன்றைய ஆட்சியாளர்கள்  பல தலைமுறைகளையும் சேர்த்து கடன்-காரர்களாக்கியிருக்கிறார்கள்’’ என்று  பொதுவாக சொன்ன வெங்கடேஷ், தி.மு.க.வின் தேர்தல் அறிக்கைக்கு வந்தார். 

‘‘தி.மு.க. தேர்தல் அறிக்கையில் நாட்டின் உற்பத்தியைப் பெருக்கி, வளமான  வாழ்வுக்கு வழிகோலாமல், மிக்ஸியையும் கிரைண்டரையும் இலவசமாக வழங்கி,  வாக்காளனை பிச்சைக்காரனாக வைத்திருக்கவே திட்டமிட்டிருக்கிறார்கள். ஏற்கனவே வழங்கப்பட்ட இலவச தொலைக்-காட்சிக்கு சுமார் 5 ஆயிரம் கோடி ரூபாய்  வரை செல-வழிக்கப்பட்டதாக சொல்கிறார்கள். இந்த 5 ஆயிரம் கோடி ரூபாயை  வைத்து காவிரி, தாமிரபரணி, சிறுவாணி போன்ற தமிழக நதிகளை இணைத்திருந்தால்,  தமிழ-கத்தின் பொருளாதாரம் மேம்பட்டிருக்கும். விவசாயம் காப்பாற்றப்பட்டு,  நீண்டகால பொருளாதார மேம்பாடு கண்டிருக்கலாம். தமிழகத்தின் அறுபது சதவீத  மக்கள் விவசாயத்தை நம்பித்தான் வாழ்ந்து கொண்டிருக்கிறார்கள்.  கம்ப்யூட்டர் சாஃப்ட்வேர் துறையில் சென்னை பிரதான இடத்தைப்  பெற்றிருக்கிறது. ஆனால், அந்தத் துறையை தமிழகத்தின் பிற நகரங்களுக்கும்  விரிவு-படுத்தும் எந்த திட்டமும் இல்லை. 

உற்பத்திப்  பெருக்கம், கட்டுமானம், கல்வி, தொழில், சாலை வசதி, போக்குவரத்து வசதி,  உயர் கல்வி வசதி, தொழில் கல்வி, சுகாதார மேம்பாடு இப்படி எந்த  விஷயத்திலும் அடிப்படை கட்டுமானங்களை ஏற்படுத்தி பலப்படுத்துவது  குறித்தும், தொலை நோக்குப் பார்வையோடு யோசித்து அறிக்கை தயார்  செய்யப்-படவில்லை.

மின்சாரம் தங்குதடையின்றி கிடைத்தால்தான் ஒரு மாநிலம் தொழில் வளர்ச்சியில்  தன்னிறைவு பெற முடியும் என்பது எல்லோருக்கும் தெரியும். ஆனால், நமது  அரசியல்வாதிகளுக்கு மட்டும் அது தெரிவதில்லை. காரணம், மின் உற்பத்தியைப்  பெருக்குவதால், அவர்களுக்கு லாபம் எதுவும் கிடைக்காது போல. இன்றைக்கு  அரசியல்வாதிகள் அரசியலை வர்த்தகமாக்கி விட்டதன் விளைவுதான் இத்தனையும்.

எந்த வர்த்தகத்தை எடுத்துக் கொண்டாலும் அதில் ஒரு குடும்பத்தின் ஆதிக்கம்  தலைபட ஆரம்பித்ததால், அந்நிய முதலீடும் உள்நாட்டு முதலீடும் தமிழகத்துக்கு  வருவது குறைந்து விட்டது. எந்தத் தனியாரும் பயமில்லாமல் தொழில் செய்ய  முடியவில்லை. கேட்டால், ‘ஹூண்டாய் கார் கம்பெனி இல்லையா?’ என்பார்கள்.  அதிகார மையத்தில் இருப்பவர்கள் கார் வர்த்தகத்தில் நுழையாத வரையில்தான்  ஹூண்டாய் கார் தொழிற்சாலை பிரச்னையில்லாமல் இயங்கும்.  தமிழக மின் வாரியம் இன்றைக்கு கிட்டத்தட்ட செத்துவிட்டது. சுமார் 35,000  கோடி ரூபாய் வரையில் கடனில் இயங்குகிறதாம். அதை நிமிர்த்த ஒரு  நடவடிக்கையும் இல்லை. அப்படி இருக்கும்போது மின் உற்பத்தி எப்படி  நடக்கும்? இந்த லட்சணத்தில் இலவச மின்சாரத்தை தகுதியில்லாத  பயனாளிகளுக்கெல்லாம் அளித்துக் கொண்டிருக்கிறார்கள். 

இலவசங்களை, தொடர்ந்து நாம் அனுமதிக்க... அனுமதிக்க... ஜனநாயகம் என்னும்  அற்புதமான விஷயத்-தை நாம் இழந்து கொண்டே இருக்கிறோம் என்பதை மக்கள்  புரிந்து கொண்டு, இலவசங்களை தவிர்த்தால் அவர்களுக்கும் நல்லது;  நாட்டுக்கும் நல்லது...’’ என்று முடித்தார் ஆடிட்டர் வெங்கடேஷ்.

நன்றி : தமிழக அரசியல்  

இலவசம் இலவசம் இலவசம்...

2011-03-24T14:08:00.001+05:30

சாப்பிட சாப்பாடு இலவசம்,

உடுக்க ஆடை இலவசம்,

படுத்து உறங்க இடம் இலவசம் ,

தூங்கி எழுந்தவுடன் தேநீர் இலவசம்,

படம் பார்க்க டிக்கெட் இலவசம்,

பயணம் செய்ய பயணசீட்டு இலவசம்,

தேர்வுக்கு முன்னால் பதில் புத்தகம் இலவசம்,

படிக்கும் முன்னே பட்டம் இலவசம்,

படித்த பின்னே "வேலை இல்லாதவன் " என்ற பட்ட பெயர் இலவசம்,

பேசுவதற்கு செல்போன் இலவசம்,

பேச பேச டாக் டைம் இலவசம்,

பேசி முடித்தவுடன் இளநீர் இலவசம்,

கணவன் இல்லாதவர்க்கு கணவன் இலவசம்,

மனைவி இல்லாதவர்க்கு மனைவி இலவசம்,

குழந்தை இல்லாதவர்க்கு குழந்தை இலவசம்,

24 மணி நேரமும் டாஸ்மாக் ல் சரக்கு இலவசம்,

இப்படியாகத்தான் இருக்கும் 2016 ம் ஆண்டு தேர்தல் அறிக்கை

விழித்திடுங்கள் மக்களே விழித்திடுங்கள் இலவசங்கள் வேண்டாம் இலவச பொருட்களும் வேண்டாம் எல்லா பொருளும் வாங்குமளவுக்கு என் பொருளாதரத்தை உயர்த்த மட்டும் வழி செய்தால் நானே அனைத்தையும் வாங்கி கொள்வேன். அப்படி எண்ணுங்கள் இலவசத்தின் பின்னே அலையாதீர்கள்.

அதிமுக , திமுக இரண்டு கட்சிகள் தான் இந்த தமிழ் நாட்டை ஆள வேண்டுமா? வேறு ஒருவருக்கு ஒரு சந்தர்பம் தர கூடாதா? உங்கள் ஊரில் நல்லவர்களே இல்லையா? அவர்களை தேர்தலில் நிறுத்துங்கள் , அவர்களை ஜெயிக்க வையுங்கள் அவர்கள் மூலமாக உங்கள் ஊருக்கு தேவையான தேவைகளை நிறைவேற்றி கொள்ளுங்கள் அதை விடுத்து அதிமுக திமுக என மாறி மாறி ஓட்டு போடுவதால் தான் அவர்களின் குறிக்கோள் ஆட்சியை பிடிப்பதிலும் இலவசங்களை கொடுத்து மக்களை முட்டாளாக்குவதிலும் முனைப்புடன் செயல் படுகிறார்கள் .

மக்களின் வாழ்க்கைதரம் உயர்ந்து வாங்கும் சக்தி உயர்ந்தால் அவர்களாகவே அவர்களுக்கு தேவையானதை வாங்கி கொள்வார்கள். அப்போது அவர்களுக்கு இலவசம் தேவைபடாது. இவர்களால் ஆட்சியை பிடிக்க முடியாது கோடி கோடியாய் கொள்ளை அடிக்க முடியாது அதனால் தான் இலவசங்களை நமக்கு கொடுத்து இஷ்டத்துக்கு கொள்ளை அடிகிறார்கள்.

இலவசங்கள் என்ன அவங்க அப்பன் வீட்டு பணத்தில் இருந்த தருகிறார்கள் இல்லையே நாம் கொடுக்கும் வரி பணத்திலிருந்து தானே தருகிறார்கள் வரி பணம் மட்டும் அல்லாமல் கடன் வாங்கி அல்லவா இலவசங்களை தருகிறார்கள். அந்த கடன் யாருக்கு சொந்தம் ஆட்சி செய்தவர்களுக்கா? இல்லையே குடி மக்களாகிய நமக்குதானே? இலவசங்கள் நமக்கு பெருமை அல்ல . இலவசங்களால் நாம் கடனாளியாவது மட்டுமல்ல நமது சந்ததியையும் சேர்த்து கடன்காரர்களாக மற்றும் வேலையை செய்து கொண்டிருக்கிறோம்.

இலவசங்கள் கொடுக்க செலவு செய்யும் வரி பணத்தை வைத்து வேலை வாய்ப்பு ஏற்படுத்தலாமே? அதன் மூலம் வாழ்க்கைதரம் உயரும். வாழ்க்கைதரம் உயர்ந்தால் அதன் மூலம் வாங்கும் தரமும் உயரும். இன்று இலவசங்கள் என்ற பெயரில் கொடுக்கும் அனைத்தையும் நாம் உழைத்து வாங்கி கொள்ளலாமே? உங்களை சிந்திக்கவிடாமல் , உழைக்கவிடாமல் , உயரவிடாமல் சோம்பேறியாக்கும் முயற்சியே இலவசம்.

தமிழகம் என்றோர்

ஊருண்டு - அங்கே

தகிடுதத்தங்கள்

நிறைய உண்டு

அண்டி பிழைக்க

அரசியலுண்டு - மக்களை

ஆட்டி படைக்க

ஆட்சி உண்டு - ஆட்சியை

பிடிக்க பணம் உண்டு

பணத்தை எடுக்க

பதவி உண்டு

பதவியை வைத்து

பல கோடி கொள்ளை

அடிப்பதுண்டு....

சிந்தியுங்கள் வாக்காளர்களே சிந்தியுங்கள் .

ஸ்பெக்ட்ரம் ஊழல் பற்றிய ஒரு விரிவான அலசல்.

2011-02-05T10:04:00.000+05:30

இந்த பதிவு விகடன் இணையதள வாசகர் எழுதியது 

மக்கள் அனைவரையும் இலவசங்களை மட்டுமே வாங்க தெரிந்த மாக்கான்கள் என்றே  நினைத்து விட்டார். அதற்காகத்தான் தமிழ்நாட்டில் அனைவரும் குழந்தை  பெற்றுகொள்கிறார்கள் என்று சொன்னாலும் ஆச்சரிய படுவதற்கு இல்லை. என்னது  ஏழைகள் பயன்படுத்தும் அளவிற்கு குறைந்த விலையில் சேவையை கொண்டுவந்தது  ராசாவா? மக்களே உண்மையை புரிந்து கொள்ளுங்கள். இந்த புளுகு மூட்டைகளின்  பாவத்திற்கு ஆளாகாதீர்கள். விலை குறைந்ததிற்கான காரணத்தை இங்கு  குறிப்பிடுகிறேன்.

1999 ஆண்டில் தான் தொலைதொடர்பு உரிமங்கள் வழங்க ஆரம்பிக்கபட்டது. அன்று  வெறும் பணம் படைத்தவர்கள் மட்டுமே கைபேசியை பயன்படுத்தினர். எனவே  நுகர்வோரின் எண்ணிக்கை மிக குறைவு.  சில பல லட்சங்கள் மட்டுமே. தொழில்  நுட்பவளமான 1G அல்லது 2G அலைக்கற்றைகள் மிக அதிக அளவில் அரசிடம் கையிருப்பு  இருந்துள்ளது. ஆனால் உரிமம் வாங்க உலக அளவிலோ இந்திய அளவிலோ போட்டிகள்  இல்லை. விலை கொடுத்து உரிமம் வாங்கியவர்கள் லாபம் பெற நுகர்வோரிடம்  நிமிடத்திற்கு அதிக கட்டணம்(In coming and out going ) வசூல் செய்ய  கட்டாயம் ஏற்பட்டது. இதில் கவனிக்க வேண்டிய இன்னொரு விஷயம் என்னவென்றால்  நாம் தான் வாதி படைத்தவர்களாச்சே என்று இஷ்டத்திற்கு பேசி நேரத்தையோ  பணத்தையோ அன்றைய வசதி படைத்தவர்கள் விரையம் செய்யவில்லை. குறைவான  நேரத்துக்குதான் கைபேசியை பயன்படுத்தினர்.  

நுகர்வோரின் எண்ணிக்கை குறைவாக இருந்ததால்தான் அன்று அலைகற்றை உரிமம் பெற  அதிக நிறுவனங்கள் முன்வரவில்லை. இதை சரி செய்ய  அன்றைய அரசு ஒரு தொலை  தொடர்பு புரட்சியை உருவாக்க முயன்றது. விளைவு நாளுக்கு நாள் நுகர்வோரின்  எண்ணிக்கை அதிகமானது. இன்றும் அதிகமாகி கொண்டே இருக்கிறது. 2010  நுகர்வோரின் எண்ணிக்கை சுமார் 60 கோடிக்கும் மேல். 2008 இல் 50  கோடிக்கும்  மேல். இதற்கும் அதிகமான மக்கள் பயன்படுத்தும் அளவுக்கு போதிய அலைகற்றைகள்  அரசிடம் இன்றும் உள்ளனர். ஆனால் பயன்படுத்துவோரின் எண்ணிக்கை வெறும் 60   கோடிதான். 122 தகுதி இல்லாத நிறுவனங்களுக்கு உரிமம் வழங்க பட்டுள்ளது.  தகுதி என்றால் என்ன? போதிய அனுபவம், வங்கி காசோலை, வங்கி செக்யூரிட்டி  டெபொசிட் அது மட்டும் இல்லை வாங்கியவுடன் குறிப்பிட்ட காலத்திற்குள் சேவையை  தொடங்க வேண்டும். இந்த குறிப்பை நினைவில் வைத்து கொள்ளுங்கள். பின்னால்  உதவும். டாட்டா, ரிலையன்ஸ் போன்ற பெரிய நிறுவனங்களும் உரிமம்  வாங்கியுள்ளனர். இதோடு அந்த 122  தகுதி இல்லாத நிறுவனங்களையும் சேர்த்து  கொள்ளுங்கள்.  

நியாய கணக்கு: 

இந்தியாவில் 60 கோடி மக்கள் கைபேசி சேவையை பயன்படுத்துவதாக உண்மை தகவல்  உள்ளது. எல்லோருக்கும் தெரியும் என்று நினைக்கிறேன். ஒரு நபர் தனது  கைபேசியை ஒரு நாளைக்கு சராசரியாக வெறும் 15 நிமிடங்கள் (LOCAL CALLS ONLY)  பயன்படுத்துவதாக வைத்துக்கொள்வோம். ஒரு நிமிடத்திற்கு 40 பைசா கட்டணம்.  அப்போ 15x0.40 =6.0 ரூபாய் ஒரு கைபேசியின் மூலம் செலவாகிறது. 60  கோடி  கைபேசிகள். 60x6.0 = 360  கோடிகள் ஒரு நாளைக்கு செலவாகிறது. ஒரு  மாதத்திற்கு 30x360 = 10,800 கோடிகள். ஒரு வருடத்திற்கு 12x10,800 =  1,29,600 கோடிகள். 2008 இல் 2G  ஏலம் விடப்பட்டது. இன்று வரை இரண்டு  வருடங்கள் ஆகிறது. அப்போ குறைந்தபட்ச வருமானம் இன்றுவரை 2,59,200  கோடிகள்.   இது ஒரு நாளைக்கு வெறும் 15 நிமிடங்கள் கைபேசியை பயன்படுத்தினால் இரண்டு  வருடத்திற்கு கிடைத்திருக்கும் வருமானம். இதோடு SMS, MMS, STD, ISD, சேவை  கட்டணம், இணைப்பு கட்டணம்.......இன்னும் என்ன என்னவோ கட்டணங்கள் உள்ளது  என்று சொல்கிறார்கள் மற்றும் 15 நிமிடத்திற்கு அதிகமாக பயன்படுத்துவோரின்  செலவையும் சேர்த்தால் எத்தனை கோடி கோடிகள் வருமானமாக கிடைக்கும் என்பதை  நீங்களே கணக்கிட்டு கொள்ளுங்கள். என்னால் கணக்கிடவே முடியவில்லை. என்னிடம்  உள்ள கால்குலேட்டர் மற்றும் கணினி காண்பிப்பது "INFINITIVE".  நான் தற்போது  இந்தியாவில் இல்லை. இருந்திருந்தால் அனைத்தையும் அலசி ஆராய்ந்து இதைவிட  இன்னும் துல்லியமாக நடந்த ஊழலின் அளவை குறிப்பிட்டு இருப்பேன். இந்த  வருமானம் அனைத்தும் அரசுக்கு கிடைத்திருக்க வேண்டும். அது மக்களை சென்று  அடைந்து இருக்கவேண்டும். கிடைத்ததா? மக்களை சென்றடைந்ததா? நிச்சயம் இல்லை  என்றுதான் ஒவ்வொரு மக்களும் கூறவேண்டும். அப்படி என்றால் இந்த மக்கள் பணம்  சட்டத்திற்கு புறம்பாக யாரிடமோ சென்று அடைந்துள்ளது. இந்த ஊழல் பணம் அடுத்த  சில ஆண்டுகளில் தனது சொந்தநாட்டு மக்களையே தாக்கப்போகிறது. விலைவாசி  உயரும். பொருளாதாரம் நாசாகும். "Above  middle  Class" மக்கள் நடுத்தர  மக்களாகவும், நடுத்தர மக்கள் ஏழைகளாகவும், ஏழை மக்கள் மேலும் பரம  ஏழைகளாகவும் மாறுவார்கள்.  ஜனநாயகம் வேரோடு அழியும். மனிதாபிமானம்,  மனிதநேயம் மண்ணோடு மண்ணாகும். ரௌடிசம்,குற்றசம்பவங்கள் தலைவிரித்து ஆடும்.  கடந்த ஐந்தாண்டுகளாக ஆயுள் கைதியாக உள்ள நடுநிலை பத்திரிகைகள் இனி மரண  தண்டனை கைதிகளாக மாற்றப்பட்டு தூக்கில் போடப்படும்.     

துரோகம்-1: உரிமம் வாங்கிய அனைத்து நிறுவனங்களும் சுமார் 13000  கோடிக்கும்  அதிகம் பொறுமானம் உள்ள(உதாரணம் S .TEL  நிறுவனம்13000 கோடிக்கு வாங்க  முன்வந்தது) அலைகற்றைகள் உரிமத்தை அடிமாட்டு விலைக்கு அதாவது 1200 , 1300  ,1650 கோடிகளுக்கு திட்டமிட்டு விற்கப்பட்டுள்ளது. அரசுக்கு சேரவேண்டிய,  மக்களுக்கு சேர வேண்டிய வருவாய் சில சுய நலவாதிகளை சென்றடைந்துள்ளது. 

துரோகம்-2: பெரும்பாலான நிறுவனங்கள் தங்கள் உரிமத்தின் பங்குகளை வெளி  நாட்டு நிறுவனங்களுக்கு விற்று கொள்ளை லாபம் பார்த்துள்ளனர். இதனால்  அரசுக்கு அதாவது பல கோடி மக்களுக்கு கிடைக்க வேண்டிய அரசின் வருவாய் சில  சுய நல தனி மனிதர்களை சென்று அடைந்துள்ளது. 

துரோகம்-3: தகுதி இல்லாமல் உரிமம் வாங்கிய 122  நிறுவங்களில் பெரும்பாலான  நிறுவனங்கள் இன்னும் சேவையை தொடங்கவில்லை. இதில் "swan, Unitech" போன்ற  லெட்டர் பேட் நிறுவனங்களும் அடங்கும். இந்த நிறுவனகள் ஏன் இன்னும் சேவையை  தொடங்கவில்லை என்று உள்ளூர ஆராய்ந்தால் மிக தெளிவாக புரியும். பெரிய  நிறுவனங்கள் போட்டி இல்லாமல் தொலைதொடர்பு துறையில் கொள்ளை லாபம் பார்க்க  அதாவது கட்டணம் என்ற பெயரில் மக்களின் உழைப்பை சுரண்ட பெரும்பாலான தகுதி  இல்லாத பினாமி லெட்டர் பேட் நிறுவனங்கள் இன்னும் சேவையை தொடங்கவில்லை.  இவைகள் சேவையை தொடங்கி இருந்தால் சந்தையில் போட்டி அதிகமாகி கைபேசியில்  பேசும் கட்டணம் இப்போது இருப்பதை விட மேலும் குறைந்திருக்கும். ஒரு வேளை  இதற்காகத்தான் திட்டமிட்டு "S.TEL  போன்ற போட்டி நிறுவனங்களுக்கு உரிமம்  வழங்கவில்லை என்ற சந்தேகம் தெளிவாக எழுகிறது.  

துரோகம்-4:   MTNL BSNL போன்ற அரசு நிறுவனங்களுக்கு அதிக அளவில்  அலைகற்றைகளை ஒதுக்கி போதிய ஆப்பெரடர்களை நியமித்து இருந்தால் கைபேசியில்  பேசும் கட்டணம் நிமிடத்திற்கு வெறும் ஒரு பைசாவுக்கு வந்திருக்கும். மக்கள்  அரசினால் பயன் அடைந்து இருப்பார்கள். 
துரோகம்-5: தகுதி இல்லாமல் உரிமம் வாங்கிய லெட்டர் பேட் நிறுவனங்கள் தனது  பங்குகளை பல வெளி நாட்டு நிறுவனங்களுக்கு விற்றுள்ளனர். அதில் பாகிஸ்தான்  போன்ற நாடுகளும் அடங்கும். இந்தியாவின் தொலை தொடர்பு துறையை இந்த நாடுகளும்  பயன்படுத்துகின்றனர். இது உள்நட்டு மக்களின் பாதுகாப்புக்கு மிக பெரிய  அச்சுறுத்தல். 

துரோகம்-6: நீரா ராடியா தொலைபேசி உரையாடல்கள், CAG ,தொலைதொடர்பு  சம்பந்தபட்ட, கைபற்றபட்ட ஆவணங்கள், சம்பந்தபட்ட பிரதமர் அலுவலக கடிதங்கள்  புறகணிப்பு, சட்ட,நிதி துறை கடிதங்கள் புறகணிப்பு, TRAI பரிதுரைகள்  புறகணிப்பு இப்படி கோடி கணக்கில் ஆதாரங்கள், சாட்சிகள். முதலில்  வருபவருக்கே முன்னுரிமை என்று முந்தைய ஆட்சியாளர்கள் வகுத்த அடிப்படை  கொள்கை கூட பின்பற்றப்படவில்லை. அதிலும் முறைகேடு. 

துரோகம்-7: இவ்வளவு குற்றங்கள் செய்தும் சம்பந்தபட்ட குற்றவாளிகள் செய்த  தவறை ஒப்பு கொள்ளாமல் நாங்கள் தவறு செய்யவில்லை என்று மக்களிடம் பொய்  பிரச்சாரம் செய்வது மக்களுக்கு இழைக்கப்பட்ட ஏழாவது துரோகம். இதன்  உச்சகட்டம்தான் 2G யில் ஊழலும் இல்லை நஷ்டமும் இல்லை என்று மத்திய  அமைச்சரின் பத்திரிகை பேட்டி. இந்த உலகத்திலே தான் மட்டும்தான் புத்திசாலி  வக்கீல் மற்ற அனைவரும் அடி முட்டாள்கள் என்ற ஆணவ நினைப்பு. 
துரோகம்-8: நடந்த அனைத்து தேச துரோகங்களும், குற்றங்களும் பொருளாதார மேதை  பிரதமருக்கு தெரிந்தே கண்முன்னே நடந்துள்ளது. இருந்தும் பிரதமர் வாய் மூடி  மௌனியாக இருப்பது மக்களுக்கு இழைக்கபடும் மகா மகா துரோகம்.

துரோகம்-9: ஸ்பெக்ட்ரம் விவகாரத்தில் முறைகேடாக பெறபட்ட பணங்கள்  பெரும்பாலானவை இந்தியாவில் புழக்கத்தில் இல்லாமல் அந்நிய  நாடுகளில்,வங்கிகளில் முதலீடு செய்யப்பட்டுள்ளதாக தகவல். இந்த பணம்  அரசுக்கு வருவாயாக கிடைத்து இருந்தால் ஏராளமான அரசு கல்லூரிகள், பள்ளிகள்,  பாலங்கள், மருத்துவமனைகள், தொழிற்சாலைகள் என்று உருவாக்கி அனைவருக்கும்  கல்வி,வேலைவாய்ப்பு, அடிப்படை வசதிகள் என்று ஏற்படுத்தி ஏழைகளே இல்லாத  நாட்டை உருவாக்கி இருக்கலாம். இலவசங்கள் பெறாத மக்களை கண்டிருக்கலாம்.  

துரோகம்-10: ஸ்பெக்ட்ரம் ஊழல் பணத்தை பயன்படுத்தி தலித் பற்றும் பிற இனத்தை  சேர்ந்த ஏழை விவசாய மக்களிடம் மிரட்டி விளை நிலங்களை அடிமாட்டு விலைக்கு  வாங்கப்பட்டதாக தகவல். இது மக்களுக்கு இழைக்கபட்ட துரோகம் பத்து. ஒரு  முறைகேட்டை செய்து அதையே மூலதனமாக வைத்து இன்னொரு முறைகேடு  செய்யப்பட்டுள்ளது. ஊழல் செய்வதினால் மக்களுக்கு இழைக்கபடும்  துன்பங்களுக்கு இதை விட சிறந்த உதாரணம் வேறென்ன வேண்டும். நண்டு கொழுத்தால்  வலையில் தங்காது. இதுதான் ஊழலின் விளைவுகள். இவர்கள் ரத்தம் குடிக்கும்  கொசுக்கள் மாதிரி. நம்மிடம் உள்ள ரத்தத்தை உறிஞ்சுவதோடு மட்டும் இல்லை  அதோடு சேர்த்து நோய் கிருமிகளையும் நமது ரத்தத்தில் விட்டு செல்கின்றனர். 

இப்படி 2G  ஊழலில் மக்களுக்கு இழைக்கபட்ட துரோகங்கள் எண்ணில் அடங்காதது.  இந்த ஊழலின் தாக்கம் இதோடு நிற்காது. மக்களைத்தான் சுத்தி சுத்தி  அடிக்கும். எப்படி? ஊழல் பணத்தை வைத்து ஏழைகளின் நிலங்கள் அடிமாட்டு  விலைக்கு வாங்கப்பட்டு அதை பிளாட் போட்டு அதே மக்களிடம் அதிக விலை வைத்து  விற்கப்படுகிறது. ஒரு ஏக்கரை குறைந்த விலைக்கு விற்ற மக்கள் அந்த பணத்தை  வைத்து அதே இடத்தில் அதாவது முந்தைய சொந்த இடத்தில ஒரு கிரௌண்ட் நிலம் கூட  வாங்க முடியவில்லை. இதுதான் ஊழலின் விளைவு. இப்போது புரிந்து இருக்கும்  ஏழைகள் எப்படி உருவாகிறார்கள் என்று. இது மட்டும் இல்லை ஊழல் பணத்தை வைத்து  அனைத்து இடங்களையும் வளைத்து போட்டு ரியல் எஸ்டேட் நடத்தும் அனைத்து  அரசியல்வாதிகளும் இப்படி ஊழல் பணத்தில்தான் செய்கின்றனர். அவர்கள்  சொல்வதுதான் விலை. விலைவாசி உயர்வது இயற்கை அல்ல. அனைத்தும் மிக மிக  செயற்கையே. இயற்கை என்று ஆளும் கட்சியினர் கூறுவது தவறு. உண்மையை மூடி  மறைக்கும் செயல். இது ரியல் எஸ்டேட் மட்டும் இல்லை. அனைத்து  பொருள்களுக்கும் பொருந்தும். குறைந்த விகிதத்தில் உள்ள பணக்காரர்கள் மேலும்  பணக்காரர்கள் ஆவார்கள். அதிக விகித்தில் உள்ள நடுத்தர மக்கள், ஏழைகள்  மேலும் ஏழைகளாக ஆவார்கள். இந்த ஏழை, பணக்காரன் இடை வெளியை குறைக்கத்தான்  அரசாங்கம் ஒன்றை மக்கள் தேர்ந்தெடுக்கிறார்கள்.  

இன்று ஆளும் வர்க்கத்தினரே அதற்கு முழு முதல் காரணமாக திகழ்கிறார்கள்.  சொல்லபோனால் அரசின் கடமைகளை அரசியல்வாதிகளும் மறந்துவிட்டனர். இவர்களை  தேர்ந்தெடுக்கும் மக்களும் தங்கள் கடமைகளை மறந்து இலவசத்துக்கு பின்  செல்கின்றனர். இலவசம் வாங்கும் மக்களே ஒன்றை நன்றாக தெரிந்து கொள்ளுங்கள்.  உங்கள் உழைப்பு என்னும் மூலதனத்தை மறந்து இலவசம் வாங்குவதால் எத்தனை  தலைமுறைகள் கடந்தாலும் நீங்கள் ஏழைகளாகத்தான் இருக்க முடியும். உங்கள்  வாழ்கை தரமும் உயரபோவதில்லை. இலசவசம் கொடுக்க தேவையான வரிபணத்தை செலுத்தும்  உழைக்கும் மக்களின் வாழ்கை தரமும் உயரபோவதில்லை. இது நிச்சயம். மாற்றம்  ஒன்றே மாறாதது. இலவசம் மாறவில்லை என்றால் உங்கள் வாழ்கை தரமும்  மாறபோவதில்லை.   

எனது நோக்கமே இந்த 2G உலக மகா ஊழலால் மக்கள் எவ்வாறு வஞ்சிக்கபட்டார்கள்  என்பதை ஒவ்வொரு இந்திய குடிமகனும் பத்திரிகை நிறுவனங்களில் பணிபுரியும்  நண்பர்கள் உள்பட அனைவரும் தெரிந்து கொள்ளவேண்டும் என்பதுதான். எனவே  தெரிந்துகொள்ளுங்கள், புரிந்துகொள்ளுங்கள். ஒவ்வொரு ஏழை மக்களுக்கும்  தெரியபடுத்துங்கள். ரோட்டில் இறங்கிதான் போராடவேண்டும் என்று இல்லை.கொடி  பிடிக்க அவசியமும் இல்லை. e -mail, FAX , Facebook , orkut  என்று எவ்வளவோ  தொழில் நுட்ப வசதி உள்ளது. தங்களுக்கு உகந்த ஏதேனும் ஒன்றை தேர்வு செய்து  தங்களின் அன்றாட வேலைகள் பாதிக்காத வகையில் சுலபமாக இதை செய்யமுடியும்.  செய்வீர்கள் என்று நினைக்கிறேன். நன்றி.

இந்த பதிவு அனைவரையும் சென்றடைய அவசியம் வாக்களியுங்கள்...

நன்றி: விகடன் மற்றும்

 சிவகுமார்.M 
சீனியர் எஞ்சினியர் 

வாழ்க்கையின் வெற்றிக்கு சில சிந்தனைகள்

2011-01-05T10:46:00.004+05:30

1) எந்த விசயமாக இருந்தாலும் அல்லது எந்த பிரச்சனையாக இருந்தாலும் அதை அழகாககையாளுங்கள்.

2)அர்த்தமில்லாமலும், தேவையில்லாமலும் பின் விளைவுகளைஅறியாமலும் பேசிக் கொண்டிருப்பதை விடுங்கள்.

3)தானே பெரியவன், தானே சிறந்தவன் என்ற அகந்தையை விடுங்கள்.

4)விட்டுக் கொடுங்கள்.

5)சில நேரங்களில்,சில சங்கடங்களை சகித்துத்தான் ஆக வேண்டும் என்பதை உணருங்கள்.

6)நீங்கள் சொன்னதே சரி, செய்வதே சரி, என்று கடைசி வரை வாதாடாதீர்கள்

7)குறுகிய மனப்பான்மையை விட்டொளியுங்கள்.

7) உண்மை எது, பொய் எது என்று விசாரிக்காமல் இங்கே கேட்டதை அங்கும், அங்கே கேட்டதை இங்கும் சொல்வதை விடுங்கள்.

8)மற்றவர்களை விட உங்களையே எப்போதும் உயர்த்தி நினைத்து கவலைப்படாதிர்கள்.

9) அளவுக்கதிகமாய் தேவைக்கதிகமாய் ஆசைப்படாதிர்கள்.

10) எல்லோரிடத்திலும் எல்லா விசயங்களையும், அவர்களுக்கு சம்பந்தம் உண்டா இல்லையோ,சொல்லி கொண்டிருக்காதிர்கள்.

11) கேள்விபடுகிற எல்லா விசயங்களையும் அப்படியே நம்பி விடாதிர்கள்.

12) உங்கள் கருத்துகளில் உடும்புபிடியாய் இல்லாமல் கொன்சம் தளர்த்திக்கொள்ளுங்கள்.

13) மற்றவர்களுக்கு உரிய மரியாதையை கட்டவும், இனிய இதமான சொற்களை பயன்படுத்தவும் மறக்காதிர்கள்.

14) புன்முறுவல் காட்டவும், சிற்சில அன்பு சொற்களை சொல்லவும் கூட நேரமில்லாமல் நடந்து கொள்ளாதிர்கள்.

15) பேச்சிலும், நடத்தையிலும், திர்மிர்தனத்தையும் தேவையில்லாத மிடுக்கையும் தவிர்த்து அடக்கத்தையும் பண்பாட்டையும் காட்டுங்கள்.

16) அவ்வபோது நண்பர்கள் உறவினார்கள் நேரில் சந்தித்து மனம் திறந்து பேசுங்கள்.

17) பிணக்கு ஏற்படும்போது அடுத்தவர் முதலில் இறங்கி வர வேண்டும் என்று காத்திருக்காமல் நீங்களே பேச்சை துவக்க முன்வாருங்கள்.

18) தேவையான இடங்களில் நன்றியும், பாராட்டையும் சொல்ல மறவாதிர்கள்.

காதலுக்கும் திருமணத்துக்கும் உள்ள வித்தியாசம்

2011-01-03T09:56:00.001+05:30

ஒரு ஞானியை அணுகிய சீடன், காதலுக்கும் திருமணத்திற்கும் உள்ள வித்தியாசம் என்ன வெனக் கேட்டான்.

அதற்கு அந்த ஞானி, அது இருக்கட்டும். முதலில் நீ ரோஜாத் தோட்டத்துக்குப் போ. அங்கே உனக்கு எது உயரமான ரோஜாச் செடி என்று தோன்றுகிறதோ, அதை எடுத்துக் கொண்டு வா. ஆனால் ஒரு நிபந்தனை. நீ எக்காரணம் கொண்டும் போன வழியே திரும்பி வரக் கூடாது. என்றார் கிளம்பிய சீடன் சிறிது நேரம் கழித்து வெறும் கையுடன் வந்தான். ஞானி, எங்கே உன்னைக் கவர்ந்த உயரமான செடி? என்று கேட்டார். சீடன் சொன்னான், குருவே, வயலில் இறங்கி நடந்த போது முதலில் உயரமான ஒரு செடி என்னைக் கவர்ந்தது. அதை விட உயரமான செடி இருக்கக் கூடும் என்று தொடர்ந்து நடந்தேன். இன்னும் உயரமான ரோஜாச் செடிகள் தென்பட்டன. அவற்றை விட உயரமான செடிகள் இருக்கக் கூடுமென மேலும் நடந்தேன். அதன் பிறகு தென்பட்டதெல்லாம் குட்டையான ரோஜாச் செடிகளே. வந்த வழியே திரும்ப வரக்கூடாது என்பதால் முன்னர் பார்த்த உயரமான செடியையும் கொண்டு வர முடியாமல் போய் விட்டது.

புன்முறுவலோடு ஞானி சொன்னார், ''இது தான் காதல்.''

பின்னர் ஞானி, சரி போகட்டும், அதோ அந்த வயலில் சென்று உன் கண்ணுக்கு அழகாகத் தெரிகின்ற ஒரு சூரிய காந்திச் செடியைப் பிடுங்கி வா. ஆனால் இப்போது கூடுதலாக ஒரு நிபந்தனை. ஒரு செடியைப் பிடுங்கிய பின் வேறு ஒரு செடியைப் பிடுங்கக் கூடாது. சிறிது நேரத்தில் சீடன் ஒரு சூரிய காந்திச் செடியுடன் வந்தான். ஞானி கேட்டார், இது தான் அந்தத் தோட்டத்திலேயே அழகான சூரிய காந்திச் செடியா? சீடன் சொன்னான், இல்லை குருவே, இதை விட அழகான செடிகள் இருக்கின்றன. ஆனால் முதல் முறை கோட்டை விட்டது போல் இந்த முறையும் விட்டு விடக் கூடாது என்ற அச்சத்தில் முகப்பிலேயே எனக்கு அழகாகத் தோன்றிய இந்த செடியைப் பிடுங்கி வந்து விட்டேன். நிபந்தனைப்படி, ஒரு செடியைப் பிடுங்கியபின் வேறு செடியைப் பிடுங்கக் கூடாது என்பதால் அதன் பிறகு இதை விட அழகான செடிகளை நான் பார்த்தபோதும் பறிக்கவில்லை.

இப்போது ஞானி சொன்னார், ''இது தான் திருமணம்.''

---ஒஷோ

மௌனத்தின் மொழிகள்

2011-01-02T12:11:00.000+05:30

1) இன்பமான சந்தோஷமான நேரங்களில்

மௌனம் - சம்மதம்

2) உண்மையான உறவுகள் பிரியும் போது

மௌனம் - துன்பம்

3) காதலில்

மௌனம் - சித்ரவதை

4) தோல்வியில்

மௌனம் - பொறுமை

5) வெற்றியில்

மௌனம் - அடக்கம்

6) இறுதியில்

மௌனம் - மரணம்

மொக்கை குறுஞ்செய்திகள்

2011-01-01T16:21:00.004+05:30

1) ஆண்களை விட பெண்கள் எப்போதும் அழகுதான்

ஏனென்றால் உண்மையை விட பொய்

எப்போதும் அழகாத்தான் இருக்கும்

2) நீ விழிதிருப்பாய் என்ற நம்பிக்கையில்

நான் உறங்க செல்கிறேன்

இதயத்தை பார்த்து இமைகள் சொன்னது

3) உலகத்தை நீ ரசிக்க வேண்டுமானால்

உன் காதலியோடு இரு

உன்னை உலகம் ரசிக்க வேண்டுமானால்

உன் நண்பர்களோடு இரு

4 ) மொக்கைகள்

திரும்பி திரும்பி பார்க்க

வைத்தது திரும்பத அவளின் முகம்

ஆனால்

அவள் திரும்பியதும் மாறியது

என் முகம்

ஏன்னா

அவ சப்ப பிகர் மச்சி

5) டாக்டர் : என்ன சோப் யூஸ் பண்றீங்க ?
சர்தார் : கோபால் சோப், கோபால் பேஸ்ட், கோபால் பிருஷ்

டாக்டர் : அது என்ன இன்டர்நேஷனல் கம்பெனியா

சர்தார் : இல்ல கோபால் என்னோட ரூம் மேட்..

கலைஞர் டிவியில் நீயா நானா ஜெராக்ஸ்

2010-12-29T11:23:00.002+05:30

கலைஞர் தொலைகாட்சிக்கு காப்பி தொலைகட்சின்னு பேர் வச்சிருக்கலாம்.. அவ்ளோ அருமையா காபி பண்றாங்க . அது எப்படி பட்ட காபின்ன மானாட மயிலாட நிகழ்ச்சியில கலா மாஸ்டர் சொல்ற மாதிரி அப்படி ஒரு அட்டகாசமான காபி. சேனல் மாத்திகிட்டு இருக்கும்போது கலைஞர் டிவி நடுவுல வந்ததால அத பாக்கலாமேன்னு பாத்தா கருத்து யுத்தம் அப்படிங்குற தலைப்புல நிகழ்ச்சி போட ஆரம்பிச்சாங்க சரி அப்படி என்ன தான் பண்ண போறாங்க அப்படின்னு பாத்தா அது கருத்து சொல்ற களமாம் நிகழ்ச்சிய தொகுத்து வழங்குன ஒருத்தர் (அவர் பேர் சரியா கவனிக்கல) சொன்னார், பார்வையாளர்கள் சொல்றாங்க கொஞ்ச பேர் வச்சி பேச வேண்டியது தானே ஏன் நிறைய பேர வச்சி பேச சொல்றீங்க அப்படின்னு கேக்குராங்கலம் அதுக்கு அவர் பதில் சொல்றார் இது மேதவிகள் பேசும் களமல்ல , அனைவருக்கும் பங்கு கொள்ளும் களம் அதான் நிறைய பேர் பேசுறாங்க அப்படின்னு சொன்னார். சரிடான்னு பாத்தா அதுல பேசுனது 10 வயசு பொண்ணு அதுவும் படிச்சத அப்படியே ஒப்பிக்குது , அத விட கொடும அதுல பேசுனவங்க எல்லாமே செயற்கையா தான் பேசுனாங்க.. இதையெல்லாம் விட அந்த நிகழ்ச்சி ஆரம்பிச்சதுமே நியாபத்துக்கு வந்த ஒரே நிகழ்ச்சி விஜய் டிவில வரும் நீயா நானா தான் நினைவுக்கு வந்துச்சு அத விட முக்கியம் என்னன்னா நீயா நானா கோபிநாத் மாதிரியே கருத்து யுத்தம் தொகுத்து வழங்குனவரும் பேசுனதுதான். மாதிரி பேசுனாகூட பரவால்லன்னு சொல்லலாம் கோபிநாத் பேசுற மாதிரி அதே வார்த்தை அதே மேனரிசம், ஸ்டைல் , இப்படி அட்ட காபி அடிச்சுட்டு பேர மட்டும் கருத்து யுத்தம் அப்படின்னு வச்சதுக்கு பதிலா நீயா நானா பார்ட்-2 அப்படின்னுவச்சிருக்கலாம். அப்படி இல்லாட்டி நீயா நானா ஜெராக்ஸ் அப்படின்னு வச்சிருக்கலாம்.

இலவசம் = லஞ்சம்

2010-12-25T13:26:00.006+05:30

இலவசங்களே நமது நாட்டின் சாபக்கேடு.. ஏன் தருகிறார்கள், இலவசம் எதற்கு தருகிறார்கள் இலவசம், ஏன் தருகிறார்கள் எனில் ஓட்டு வாங்க , எதற்கு தருகிறார்கள் எனில் ஆட்சியை பிடிக்க.. ஆட்சியை பிடிக்க வேண்டும். ஆட்ச்சியை பிடித்து கொள்ளை அடிக்க வேண்டும் . அவ்வளவுதான் அவர்களின் எண்ணம் நாடு முன்னேற வேண்டும். நாட்டு மக்கள் முன்னேற வேண்டும் அப்படியல்ல அவர்கள் எண்ணம். நாம் முன்னேற வேண்டும் நம் கட்சி ஆட்சிக்கு வர வேண்டும். நாமே முதல்வராகவோ, பிரதமராகவோ இருக்க வேண்டும். நம்மிடமே அதிகாரம் அனைத்தும் இருக்க வேண்டும்.எல்லா துறைகளிலும் நாமே முதலாவதாக இருக்க வேண்டும். அதற்கு நான் தான் ஆள வேண்டும். நாமே ஆள வேண்டுமெனில் ஐந்து ஆண்டுக்கு ஒருமுறை நடக்கும் தேர்தலில் ஜெயிக்க வேண்டும். நாம் ஜெயிக்க மக்கள் ஓட்டு போடா வேண்டும். நமக்கே அவர்கள் வாக்களிக்க அவர்களை சந்தோஷ படுத்த வேண்டும். அதற்கு லஞ்சம் கொடுக்க வேண்டும். லஞ்சத்தை நேரடியாக எப்படி கொடுப்பது இந்த ஜனநாயக நாட்டில் அதற்கு பயன்படுவது தான் இலவசங்களும் தள்ளுபடிகளும். இலவசங்களை வாங்கும் நாம் நன்றி கடனாக நம்மை ஐந்து வருடங்கள் அவர்களிடம் அடகு வைக்கிறோம். அடுத்த ஐந்தாவது வருடம் ஓட்டுக்கு காசு தரவும், தன்னை வளபடுதிக்கவும் , தான் குடும்பத்தை வளப்படுத்தவும் கொள்ளை அடிகிறார்கள். கொள்ளை அடிக்க அவர்கள் அதிகாரத்தை பயன்படுத்துகிறார்கள் அந்த அதிகாரத்தை கொடுத்தது யார் நாம் தானே. அப்போது அவர் கொள்ளை அடிக்க யார் காரணம் அதிகாரத்தை கொடுத்த நாம் தான் காரணம். இலவசம் கொடுக்கிறான், தள்ளுபடி பண்றான், காசு குடுக்கிறான், நமக்கு என்ன பண்ணுவான், நம்ம ஜாதிக்கு என்ன பண்ணுவான் அப்படின்னு ஓட்டு போடுறத விட்டுட்டு நம்ம ஊருக்கு என்ன பண்ணுவான் நம்ம நாட்டுக்கு என்ன பண்ணுவான் அப்படின்னு யோசித்து ஓட்டு போடும் மக்கள் அதிகமானால் தான் இந்த நாடு ஜனநாயக வழியில் சென்று வல்லரசாகுமே தவிர மற்றபடி பணநாயக வழியில் சென்று அடிமையாகத்தான் ஆகும்.

லஞ்சத்தை ஒழிக்க வேண்டும் என மக்கள் போராடி பயனில்லை மக்களே வாங்குவதை நிறுத்த வேண்டும், அன்பளிப்பு, இலவசம், தள்ளுபடி, இப்படி எந்த பெயரில் லஞ்சம் வந்தாலும் அதை வாங்காமல் தவிக்க வேண்டும். லஞ்சம் வாங்கும் நாமே லஞ்சம் வாங்ககூடாது என போராடுவதும் கொள்ளை அடித்துவிட்டார்கள் என போராடுவதும் கேலிக்குரியது. இலவசங்கள் வேண்டாம் , தொலைக்காட்சி, காஸ் அடுப்பு, வீடு இதெல்லாம் வேண்டாம் . இலவசங்களை வாங்குவதற்கு போராடுவதை விட்டுவிட்டு அவற்றை வாங்குவதற்கான வழியை உருவாக்கி தரவேண்டுமென போராடுங்கள். இலவசங்கள் வாங்குவதையும் லஞ்சம் கொடுப்பதையும் நாம் நிறுத்தினால் லஞ்சம் வாங்குவதை அதிகாரிகளும் , இலவசங்கள் கொடுப்பதையும் அரசியல்வாதிகளும் நிறுத்திவிடுவார்கள்.

விண்டோஸ் ப்ராபர்டியில் உங்கள் லோகோவை தெரிய வைக்க

2010-12-23T18:07:00.008+05:30

உங்களது கணிணியில் ப்ராபர்டியில் உங்களது லோகோ (logo ) மற்றும் உங்களது இன்பர்மேசன் வரவைப்பது என்பதை பற்றி பார்போம் . உங்கள் கணிணியில் உங்களது லோகோவோ அல்லது உங்கள் கம்பெனி லோகோவோ கணிணியின் ப்ராபர்ட்டியில் தெரிய வேண்டுமெனில் முதலில் உங்கள் கம்பெனி லோகோவை 103 x 102 சைஸ் கொண்ட பைலாக மாற்றி அதற்கு OEMLOGO என பெயரிட்டு .BMP சேமிக்க வேண்டும் . அடுத்து இன்பர்மேசன் எப்படி வரவைப்பது என்பதை பற்றி பார்போம்

ஒரு notepad பைலை ஓபன் செய்து

[General]
Manufacturer = "YOUR ORGANIZATION NAME"

[support Information]
line1 = <information >
line2 = <information >
line3 = <information >
line4 = <information >
line5 = <information >
line6 = <information >

என டைப் செய்து OEMINFO.INI என பெயரிட்டு சேமித்துக்கொள்ள வேண்டும் உங்களுக்கு எத்தனை வரிகள் வேண்டுமோ அத்தனை லைன் சேர்த்து கொள்ளலாம். எடுத்துகாட்டாக கீழே உள்ளது போன்று டைப் செய்த்து சேமித்துக்கொள்ள வேண்டும்.

[General]
Manufacturer = "GENUINE SYSTEMS"

[support Information]
line1 = Os Installation
line2 = Software Installation
line3 = Network Problems
line4 = Any Hardware Problems
line5 = Please Contact
line6 = GENUINE SYSTEMS

இப்போது சேமித்த இரண்டு பைல்களையும் காபி செய்து

C:\WINDOWS\system32 என்ற போல்டரில் பேஸ்ட் செய்து விடவும்.

இப்போது உங்கள் கணிணியில் MY COMPUTER RIGHT CLICK செய்து பிராபர்டியில் பார்த்தல் உங்கள் லோகோவும் உங்கள் இன்பர்மேசனும் தெரியும்

லோகோ பைல் உள்ளிடுவதற்கு முன்

லோகோ பைல் உள்ளிட்ட பிறகு

support information என்பதை கிளிக் செய்தவுடன் அதன் இன்பர்மேசன்கள் தனி விண்டோவில் ஓபன் ஆகும். இந்த வழிமுறையை பின்பற்றி உங்கள்
கணினியிலும் பிராபர்டியை மாற்றலாம் .

ஜாதிகள் வேண்டாமடி பாப்பா

2010-12-09T12:41:00.007+05:30

ஜாதிகள் இல்லையடி பாப்பா என பள்ளியில் பாடநூலில் வைத்தவர்கள்பள்ளி முடித்து வெளியே வரும்போது மாற்று சான்றிதழில் ஜாதியின்பெயர் போடாமல் தருவதில்லையே ஏன்?

இந்த அரசும் சமுதாயமும் பிறந்ததிலிருந்து சாகும் வரை ஒரு மனிதனை ஜாதிய அடிப்படையிலே பிரித்து வைத்திருகிறார்கள். பள்ளியில்உதவித்தொகை தருவதில் ஆரம்பித்த ஜாதி இன்று ஊழல் வரை ஜாதியைவைத்தே அடையாள படுத்துகிறார்கள். ஏதோ ஒரு காரணத்தால் ஜாதியைஅடையாளபடுத்தி தாழ்த்தி பேசவோ அல்லது தன்னை தற்காத்துகொள்ளவோ தான் ஜாதிய பயன்படுத்துகிறார்கள். ஜாதியை ஒழிக்கவேண்டும் என போராடிய பெரியார் பிறந்த இந்த மண்ணில் பிறந்தவர்கள்தான் ஜாதிய வாக்கெடுப்பு தேவை என போராடுகிறார்கள். வெள்ளையர்கள்நம்மை அடிமை படுத்தி வைத்திருந்த போது தனக்கு வேண்ட பட்டவரையும்வேண்ட படாதவரையும் பிரித்து ஆளும் சூழ்ச்சி செய்ததினால் தான் நாம்நிறைய காலம் அடிமை பட்டு கிடந்தோம்.நாம் ஜாதிவாரியாகபிரிந்திருந்தால் வெள்ளையர்கள் செய்த அதே வேலையைத்தான் இந்தஅரசியல் வாதிகள் தன்னை காப்பாற்றிக்கொள்ள செய்வார்கள் . ஜாதியஅடிப்படையில் ஒன்று படும் போது நம்மால் எதுவும் செய்ய முடியாது. அநீதியை எதிர்க்கவோ ஊழலை ஒழிக்கவோ ஒன்றுமே செய்யமுடியாமல்போகும். ஏனெனில் ஒரு ஜாதிக்காரர் ஒரு கட்சிக்கு ஆதரவளிக்கும் போதுஅதற்கு எதிர் ஜாதிக்காரர்மற்றொரு கட்சிக்கு ஆதரவளிக்கிறார். இதனால்கட்சி காரர் தவறு செய்யும் போது ஆதரவளிப்பவர் சுட்டிகாட்டமுடிவதில்லை அப்படிசெய்தால் இவருக்கு அல்வா கொடுத்துவிட்டு எதிர்ஜாதியை சேர்த்துகொள்வர்.வேறு வழி இல்லாமல் இந்த ஜாதிக்காரர் மற்றகட்சிக்கு ஆதரவு அளிக்கிறார். தவறு செய்பவர்கள் இந்த ஜாதி இல்லையெனில் அந்த ஜாதி என மாறி மாறி குதிரை ஏறுவர்களே தவிர ஜாதியாலும் ஜாதிகட்சியாலும் மக்களுக்கு யாதொரு பயனும் இல்லைஅப்படி இருக்க ஏன் ஜாதியின் பெயராலும் , ஜாதிக்கட்சிகளின் பெயராலும்ஒன்று கூட வேண்டும். ஒரு கொள்கைக்காக ஒன்று சேருங்கள். ஜாதியைமறந்து , மதத்தை மறந்து கொள்கைக்காக மட்டுமே ஒன்று சேருங்கள். அப்படி ஒன்று சேர்ந்தால் ஜாதியை ஒழிக்கலாம் , லஞ்சத்தை ஒழிக்கலாம், ஊழலை ஒழிக்கலாம் , ஜனநாயகத்தை காக்கலாம் இல்லையேல்மக்களாட்சி மறைந்து மன்னராட்சி மலரும் மீண்டும் அனைவரும்அடிமைகளாவோம். அபப்டி மாறினால் சுதந்திரம் பெற்று தர எந்த காந்தியாலும் முடியாது. நம்மை அடகு வைக்க ஆயிரம் எட்டப்பன்கள் காத்திருகிறார்கள்.

அணில் ஏன் ஆப்பிள் சாப்பிடல

2010-12-02T18:58:00.007+05:30

ஒரு அணிலுக்கு முன்னாடி 3 ஆப்பிள் இருக்கு 2 ஆப்பிள்

அணில் சாப்டுடுச்சு 1 சாப்பிடல அது ஏன்னு சொல்லுங்க...

ஏன்னா அந்த ஆப்பிள் பிளாஸ்டிக்.

மறுபடி ஒரு அணிலுக்கு முன்னாடி 3 ஆப்பிள் இருக்கு

ஆனா 3 ஆப்பிளையும் அணில்

சாப்பிடல அது ஏன்னு சொல்லுங்க...

ஏன்னா இப்போ அணில் பிளாஸ்டிக்

இப்போ ஒரு ஒரிஜினல் அணில் முன்னால

ஒரு ஒரிஜினல் ஆப்பிள் இருக்கு ஆனால்

அணில் சாப்பிடல ஏன்னு சொல்லுங்க ...

ஏன்னா அணில் டிஸ்கவரி சேனல்ல இருக்கு

ஆனால் ஆப்பிள் TV முன்னாடி இருக்கு

இப்போ அணிலும் ஆப்பிளும் TV ல இருக்கு

ஆனா அணில் ஆப்பிள் சாப்பிடல

ஏன்னு சொல்லுங்க.

ஏன்னா அணிலும் ஆப்பிளும் வெவ்வேற சேனல்ல

சரி இப்போ அணிலும் ஆப்பிளும் ஒரே சேனல்ல

இருக்கு ஆனா அணில் ஆப்பிள் சாப்பிடல

ஏன்னு சொல்லுங்க ..

ஏன்னா TV ஆப் ஆகி இருக்கு ..

நோ நோ கோவப்படாதீங்க நானும் இப்படித்தான்

கோவபட்டேன் இத படிக்கும் போது

அன்பே ஆருயிரே

2010-11-30T18:18:00.004+05:30

அன்பே

ஆருயிரே

இன்பம் இல்லையடி

ஈரைந்து திங்களாய்

உன்னைகாணமல்

ஊனமாகி விட்டதடி நெஞ்சம்

என்று உன்னைகான்பேன் என

ஏங்கி தவிக்குதடி என் நெஞ்சம்

ஐயப்படாதே கண்ணே

ஒரு வார்த்தை சொல்

ஓடி வருவேன்

ஔவ்வளவு எதிர்ப்பையும் அத்துமீருவேன் உன்னை மணக்க.....

SMS 10 பலன்கள்.

2010-11-29T18:25:00.005+05:30

1. மொபைல் துரு பிடிக்காது
(அதெல்லாம் நல்ல மொபைல் வச்சி இருக்குறவங்களுக்கு
நமக்கு இல்ல )

2. டைம் பாஸ் ஆகும்
(அதெல்லாம் டைம் இருக்குறவங்களுக்கு )

3. படிப்பவர் சந்தோஷ படுவார் .
(இந்த ஓட்ட மொபைல் ல இருந்து கூட sms வருதேன்னு )

4. தொடர்புகள் (contact) இருக்கும்
(மொபைல் ல )

5. எப்போதும் பிஸியா இருப்பீங்க
(இப்ப மட்டும் எப்படி இருக்கோமாக்கும்)

6. சோம்பேறி யா இருக்க மாட்டீங்க
(அப்படியா.....)

7. விரல்கள் ஆக்டிவா இருக்கும்
( இல்லாட்டி குஷ்டம் வந்துடும் )

8. ABCD மறக்காம இருக்கும்
(அத தவிர மத்ததெல்லாம் மறந்திடும் )

9. படைப்பாற்றல் (creative mind ) திறன் அதிகமாகும்
(அப்படின்னா என்ன ..)

10. உங்கள யாரும் கஞ்சன்னு சொல்ல மாட்டாங்க
(இது ஒன்னு போதுமா)

நன்றி :SMS

எண் கௌண்டர்

2010-11-19T11:47:00.003+05:30

எண் கௌண்டர்

நீங்கள் ஆவலுடன் எதிர் பார்த்த எண் கவுண்டர்

நிகழ்ச்சி இன்னும் சற்று தூரத்தில் தொடங்கப்படும் என்பதை

மிக்க மகிழ்ச்சியுடன் தெரிவித்து கொள்கிறோம்

பூஜ்ஜியம்

ஒன்று

இரண்டு

மூன்று

நான்கு

ஐந்து

ஆறு

ஏழு

எட்டு

ஒன்பது

என்ன அருமை இப்போது நீங்களும் ஒரு எண் "கௌண்டர்"
பெசலிஸ்ட் ஆகிவிட்டர்கள் தானே..

வாழ்த்துக்கள்

மொக்கை சந்தேகங்கள்

2010-11-17T12:42:00.006+05:30

சந்தேகங்கள் :

1. குடி போதையில் வண்டி ஒட்ட கூடாதுன்ன பார்ல எதுக்கு
பார்கிங் வைக்குரங்க ..

2. குரங்கிலிருந்து மனிதன் வந்தான்னா இன்னும் குரங்கு இருக்கே எப்படி..

3. நம்ம நாட்ல பேச்சு சுதந்திரம் இருக்குன்னா எதுக்கு செல்லுக்கு பில் வருது.

4. ப்ளூ கிராஸ் அப்படின்னு ஒன்னு இருக்குன்னா எப்படி நான்-வெஜ்

ஹோடெல்லா பிசினஸ் நடக்குது .

5.முதல்வரே ஆனாலும் பஸ்ல முதல் சீட்டு டிரைவருக்குதான்.

6.1000 தான் இருந்தாலும் 1001 தான் பெருசு.

7.எவ்வளவு பெரிய டான்ஸ் மஸ்டர இருந்தாலும் தன்னோட
சாவுக்கு தன்னால டான்ஸ் ஆட முடியாது.

8. என்னதான் கரதேல பிளாக் பேல்ட இருந்தாலும் சொறி நாய்
துரத்தின ஓடித்தான் ஆகணும்.

9. ரயில் டிக்கெட் எடுத்தா பிளாட்போர்ம்ல உக்காரலாம் ,
பிளாட்போறம் டிக்கெட் எடுத்தா ரயில்ல உக்கார முடியுமா

நன்றி : SMS

நீங்கள் விரும்பினால்…

2010-10-20T10:31:00.000+05:30

உங்கள் விருப்பத்திற்கு வாழ்க்கையை வளைக்கலாம்.

உங்கள் கனவுகளை உண்மையென ஆக்கலாம்.

உங்கள் உறுதியினால் சிரமங்களைக் கடக்கலாம்.

உங்கள் எல்லைகளை நீங்களே உடைக்கலாம்.

தடைகளைச் சீர்செய்து தடமாக மாற்றலாம்.

வீழ்ச்சிகளைத் தடுத்து வெற்றிகளை ஈட்டலாம்.

வீணாகும் நேரத்தைப் பயனுள்ளதாக்கலாம்.

வேண்டாத பழக்கங்களை வினாடிக்குள் நீக்கலாம்.

பகைவர்களை மிக நல்ல நண்பர்களாக மாற்றலாம்.

பழைய தோல்விகளின் பாரங்கள் நீங்கலாம்.

எத்தனை இழந்தாலும் இழந்த பொருள் மீட்கலாம்.

என்றைக்கு இருந்தாலும் எண்ணியதை எட்டலாம்.

கேள்விகளுக்குப் பதில்கள் உங்களிடமே கிடைக்கலாம்.

கேள்விகளுக்குப் பதில் சொல்ல சாதனைகள் படைக்கலாம்.

தேவைகள் பெருகும்போது வரவுகளும் பெருக்கலாம்.

வியர்வை செலவழித்து வெற்றிகள் குவிக்கலாம்.

மௌனத்தைப் பதிலாக்கி விமர்சனங்களை வீழ்த்தலாம்.

குழப்பங்களை இல்லாமல் செயல்திட்டம் வகுக்கலாம்.

கவனத்தைக் குவிப்பதனால் காரியத்தில் வெல்லலாம்.

வெற்றியிலே தேங்காமல் அடுத்த செயல் ஆற்றலாம்.

விவாதங்கள் ஒவ்வொன்றும் தீர்வு நோக்கிச் செல்லலாம்.

முடக்கவரும் எதிர்ப்புகளை முன்கூட்டித் தடுக்கலாம்.

மாற்றங்கள் ஏற்பதனால் ஆதாயம் காணலாம்.

ஏமாற்றம் வந்தாலும் தொட்டதைத் தொடரலாம்.

இழந்த சர்வீஸ்களை திரும்ப பெற

2010-10-04T19:12:00.000+05:30

நமது கணினிகளில் என்னதான் ஆண்டி வைரஸ் நிறுவி இருந்தாலும்

அதையும் மீறி சில வைரஸ்கள் நமது கணினியை பதம் பார்த்து விடுகின்றன. அதிலும் முக்கியமான பிரச்சனை என்னவென்றால் நமது கணினியில் taskmanager, regedit, msconfig, cmd prompt ஆகியவை மற்றும் இன்னும் பிற சர்வீஸ்களும் disable செய்ய பட்டிருக்கும் . ஆண்டி வைரஸ் நிறுவி கணினியை பாத்து காத்தாலும் இழந்த சர்வீஸ் களை மீண்டும் பெற நாம் என்ன செய்யலாம் என்பதை பற்றி இங்கே பார்க்கலாம் . நாம் என்னதான் பெரு முயற்சி செய்தாலும் இழந்த சர்வீஸ் களை பெற முடியாது அதை பெறுவதற்கான வழி முறைகள் கீழே சொல்லி இருக்கிறேன் இழந்த சர்வீஸ்களை திரும்ப பெற இரண்டு மென்பொருள் நமக்கு தேவை படுகின்றன

1, Microsoft .Net Framework 2.0

2, Re-enable software

முதலில் உங்கள் கணினியில் Microsoft .Net Framework 2.0 நிறுவி விடுங்கள்

ஏற்கனவே நிறுவி இருந்தால் தேவை இல்லை இப்போது Re-enable software
ரன் செய்யுங்கள் கீழே கொடுக்கப்பட்டுள்ளது போல திரை வரும் அதில்
இழந்த சர்வீஸ் களை உங்கள் எலியால் கில்லி re - enable என்ற
பொத்தனை கிளிக் செய்தால் உங்கள் கணினி restart ஆகும்.

உங்கள் கணினி restart ஆகி கணினியின் திரை வந்தவுடன் சோத்தித்து

பாருங்கள் இழந்த சர்வீஸ்கள் அனைத்தும் திரும்ப பெறப்பட்டிருக்கும்

சர்வீஸ்கள்

regedit window
cmd Console
Run Command option
Folder Options
Task manager option
Option of Task Scheduler
Context menu
Control Panel
System Restore option
Search option in the Window
msconfig option
My computer

Dotnet FrameWork தரவிறக்க சுட்டி
Re - Enable தரவிறக்க சுட்டி

பதிவு பயனுள்ளதாக உள்ளதா பின்னுட்டத்தில் தெரிய படுத்தவும்